لمحة مختصرة
هرجة من البقجة(سوناتا الديرة) هي عبارة عن مجموعة حواريات غنائية تذكر بعادات وتقاليد قريتي خبب وحياتهم اليومية ومعظمها
يرجع الى ماقبل سبعينيات القرن الماضي شهدت وعايشت الكثير منها كما تربط الماضي مع واقع الهجرة والغربة الحالي لابناء قريتي
غنيلي ومن عندي السحجة قرب تانقعد عالفجة
هرجني هرجة من البقجة تغربتو يابو سلامة
طلتكم في الها رهجة هرجني يسعد هالهرجة
من العين ومن المهجة غلاكم طالع بالعالي اغلى
بيسرح مع النعجة الغربة بأولها في بهجة الذيب
والواحد بيحب الفرجة الشجر والخضرة والمية
تا تلعن ابو هالهجة وعقب شوية بدك حجة
حتى السوافي والعجة وبشعل حنانك للديرة
وخشخشة ريالات العرجة بتذكر سوالف امك
بقعداتك تحلالي الهرجة وتقولي يمى هرجني
قلب الغربة مثل الثلجة علقة وما في منها منجه
احنا مي وهي سفنجة علقنا بيها وما في فكة
غنيلي ومن عندي السحجة قرب تانقعد عالفجة
هرجني هرجة من البقجة تغرببتو يابو سلامة
بليلة من ذات الليالي بغربتي وقاعد لحالي
صافن ومشغول بالي بعمري وايامي الخوالي
وزمن طاير كالغزال وبالعمر باقي توالي
شرشها مخمل مطرز بالورد يمى تعالي
تفرجي وشوفي حلاها وهي تتمشى قبالي
الفرملية جوخ ازرق و الخرج فضة بلالي
وشنبر مغطي الصدر و العنق مرمر ياسالي
والوجه ابيض مورد والجبين هلال عالي
ضحكت وقالت شلونك يابعد عمري وحلالي
دايرة وقلبي معاكم و بدمع عيني سؤالي
هانت العشرة عليكم عقب ما مالت حمالي
وينكم يا بو سلامة الجرح بقليبي علامة
غيابكم طول علي الغربة تاليها ندامة
جايبة رققها معاها وشمسها وغيماتها
والعشب زاهي بخضارو ملون سطيحاتها
والهوا الغربي ينسم والقمر سلم على شاماتها
ياهلا بملقى الحبايب واقبلت يمي بمحبة فاتحة دياتها
واحدرت عن كتفها الدار القديمة وحولها جاراتها
فتحت الخم العجوز واطلعت جاجاتها
قومي يمى شوفي عمتك سرحت طرشاتها
واجرفي انت البوايك وخلنا نضحك على مقباتها
عبو مية من الموتير صارت الدنيا الضحى بشمساتها
جدتك خضت مبارح زنكلي زنكل عاشنيناتها
صرت اتخطم برفقة بكل حارة ادور زقاقاتها
تناولت من عبها ايام عمري بمحرمة بيضة على طياتها
شلونكم يا بو قذيلة ضعونكم شيلت شيلة
تفرقت يمى العيلة وشوقنا شوق الف ليلة
وصرت اناظر قطمة قطمة وين ما بدي اوقف
واضحك وتضحك معايه واني عالاخر مكيف
شفت حالي بسركسي مقلم وجسمي نحيف
حافي جاي من البيادر صيفت واني مصيف
بكرا قي تتبين عندي يا ولد الخياش ولف
بكرا يابا بفزعولك انت طول عمرك مسلف
بدك تعاون ابوك يا شعر راسي بنتف
سهر لنصاص الليالي و للظهر ابنك متلحف
بكرا عقب الجورعة دارنا لازم نعسف
عندنا شوية قصيب اوضتك بدنا نسقف
بدنا نخطب بنت خالك خدود ورد وانت قطف
ولك يمى زيح غاد خلني البرغل انسف
وينكم يابو سلامة مية حبة للنشامى
بديرتك عندك اهل بالغربة انو يتامى
بدي اروح انصب فخاخ مضخر شوية كعاكل
ومن اميت تصيد يااخوث وانت مرافق هالهتايل
جيبة مليانة كعاب وجيبة مليانة دواحل
مابتفوت الدار شيلة عالبيادر والمزابل
اصحك تقولي لابويه لا يساويلي مشاكل
عقلو متعلث عاشعرة وكفو للعنقور واصل
الزرعي معبي البياض مجدرة ماعاد ماكل
هيري القلعة الكبيرة وميجنة عمي مخايل
وانقعي نص مد رفيعة ولاتقولي الحال مايل
وفزعي الحارة تكبكب لاتنسي ام الجدايل
والحشوة خليها ذوبة والسمن طافح وسايل
والعشا الليلة كباب والله ذبحتنا الزناكل
وينكم يا بو ردين ماحدا منكم مبين
نذراعليا ان لفيتو ساحة القرية ازين
منوتي تكبر يايمى للزمن انت المطمورة
بدي تطلع مثل خالك هيب وحليوة بالصورة
الموسم ان شتت غلال وحالتنا من الله مستورة
خليني يمى صغير قد كازك والبنورة
مرة العب بالدواحل والفشك مع مور وجورة
ومرة نبني قهاقير ومرة نلعب دوش وكورة
ومرة نلعب قلعة وكازة وبالحيجوج باول دورة
مرة نلعب نط العنزة سال دماها من عنقورة
تصيحي حطينا العشا مجدرة وزلطة بندورة
بالعرس حطوا المناسف انت دورك ثاني طورة
ان ناولك واحد كباب قول اجتني من العصفورة
اللحم مش للولاد روحوا لعبو بالحاكورة
وينكم ياهل المروة نيراني بالقلب جوه
وانقطع حيلي بعدكم بلجسم ما ظل قوة
العرس بالدار صاير والعريس اسمو ذياب
والعروس معدلة معلمة بتقرا بكتاب
بكرة الاكرة يا حبايب للبعاد وللقراب
واحنا ذبحنا الذبايح والهوى نسم وطاب
يا ابو هزاع اذبح عد جداية ولا تهاب
فرشي يمى المضافة للضيوف وللحباب
حمسلك رطلين قهوة وصوت مهباجك لجباب
وقهوة عالفنجان تعلم وهيلها زين الطياب
عمنا طيب وحنين وريحة اللحم للباب
قلتلو شلونك يا عمي كيف حالك والشباب
جيت اعاون عاللحم في بساس وفي كلاب
قلي عمي مش عليا يلا بوجهك عالكباب
روحي بتسلم عليكم وطول ليلي اناجيكم
بعدت ديار الحبايب لا تجوني ولا اجيكم
قاعد على ساس الفرن مستني يجيني الصحن
عيناك ابش يا ولد جيناك دبسا مع سمن
ياخبز محلا نطالرتك ما اطيبك وانت سخن
مبروك ماطيب طعمتك تسلم ايدين الي عجن
وتسم ايدين الطبعت جلولة او كبت سجن
وتسلم ايدن الي زرع والي حصد والي طحن
والب فلح والي تنى والي رجد حمار وبايدو الرسن
والي فلح والي ثنى بيوم الذراوة ماصفن
وكل من فزع عالجربلة والغربلة وهز البدن
والي عكم كيس القمح او جيل بصاع ووزن
يالارض يا الام الحنون من عقبها مابي احن
ان عشنا ترى من خيرها وبحضنها بيوم الكفن
ويكم لي يارفاقة عالبعد ما ظل طاقة
سرقتكم مني الغربة والديرة الكم مشتاقة
يلا يايمى استعجلي عجالكم يمكن مرق
بال عاشو مستعجلة تا راسي بالحنت انطرق
ماسمعتي يمى بالمثل بيقولوا من سبق لبق
ليش ما بلمتي العجل درة البجيرة شرق
الربطة ضاعت واختفت حطيتها تحت الطبق
خليه يسرح بالسهل يوكل عشب يوكل ورق
يا عالبيادر ينقلع مربيتو انت للسبق
شوفي يايمى مانصحو من جمعة لجمعة فرق
التجار بكرا بشتروه ومنشتري بحقو خلق
وبتكي عالعيد اخوتك انت يا طربون الحبق
وان عشرت امو السنة لافي حليب ولامرق
وج روحي عا لت الزبل الدخان لقلب خنق
وينكم يام الجديلة يام العيون الكحيلة
هرجتك عنت عابالي وماطلع باليد حيلة
يلا يا سعدة استعجلي كشك عجيني يا مرا
الولاد بدهم يفطروا واليوم في قطاعة ذرا
قال يفطروا زوادة الحاصود دوم مجدرة
روحي اسالي بالمطحنة عن دارنا يا معثرة
عدلين بطحن بالشهر وخبزاتي دوم مقمرة
ماقواها بتسفيط الحكي النسوان منك لورا
والجحش طاير بالعدل والجذب ظاهر اشكرا
وزي الفرن دخانك بيعمي عمي يا مشحرة
يي عاللغى من وعيتي والخبز عندي دوشرة
الحالات عندي للفرن والشغل مثل المسطرة
والقصل والجلة سوا عندي تراها مشوكرة
بفرني الخبز لاربعنا وبفرنك الزبله تظل مصبرة
وينكم يام التراكي القعدة مابردها بلاكي
فضو قمح من الكوارة بيها جيل وازود شوية
لاتنسو تخلو شكارة للحاكورة شي ربعية
اسمع المزراب بشقع روح تفقد الحيطان
اطوي طراحة اخوك الدنية ماالها امان
وقني للمية تتسي يم باب السيلتان
ليش ما جبستو الحيط شو اسويلو كمان
طول عمرو البيت بدلف مانت شايف هالعدانان
ان شمست بكرا قطيمة المدحلة فوق التبان
والماعوص بدار جدك يمكن شفتو جنب الران
وعلق دحل رايح جاي بالفرن السجن مليان
بيتوني قاعد يضيع وجزمة اخويا نعمان
اول العام اشتريتو العام حطينا ضبان
ماحدا ملحق عليكم دان دان ودان دان
صار للبطيخ اذان مثل اذان حديدوان
لحلة صارت باية حارة صارت بالحارة الشرقية
بكرة يمكن دورنا طفحوا البرميل ميه
والشونة مليانة جلة والقصل نارو قوية
وتحت الحلة حدا يوز مروتو ماهي ردية
وفزعي النسوان ييجن ومعهن ثنية
صحو تنسو تفزعوني عالسليقة المستوية
باجي وحواتي معاية مغمقان وجم صينية
وعقب ماننشل الحلة لاحدا يعتب عليه
عبواي صحني سليقة وكثرو السكر شوية
ابشري بلي تريدي غالية وج يانشمية
بكرة سروة عالحصيدة الثلاثة لازم نشيل
الندى مبين غراق والشقفة بدنا نكمل
واني بدي اروح اغمر واكرب الرجنة واحمل
انت تغمر يا طقعان ريال مابتعرف تريل
ولافاع البرغش علينا بتغني ميل ياغزيل
بدك لاقوطه وراك والسبل منك بنسل
دير بالك عالعجول بنومتك اصحى تطول
روح فزع دار خالك جورعو واحنا نتهمل
واصحكم تنسوا الشنينة جغمة للشوبة تعدل
مجدرة شوية عروق من التمر للزاد شكل
وجود مي وست رغفة جيبهن يومن نقيل
حمارنا بعرف طريقو للجزل وحدو بيوصل
وين جدك بالعريشة قاعد يهير حصاوة
لوحنا بطل ينعم وعندنا بكرا ذراوة
روح اربط هالكديشة وادرس الطرحة بقساوة
اصحى تساوي مثل اخوك مليحة ماعاد ساوى
ماحدا ماين عليه وللشغل عندو عداوة
ان دزيناه يجيب خضرة جابها كلها نفاوة
خياط الفوامة بيخزي تقول عاعينو غشاوة
ان نعمن القشات ابشر من التمر اربع شلاوة
وانت نيخلي الجمل ونزل الحمل بهداوة
وشوف لي الشاعوب وينو وروح قلع هالجراوة
ولاحدا يشيل القراية بلا نياطة ورخاوة
واقلب الطرحة معاية والعشى دبس وحلاوة
روح جيب جلال خالك بدنا نعبي الروايات
ليش خالي الو جلال يايمى شو هالحكيات
والله لو سمعك خالي اكلتي عشر زعبات
يا ويلي ماكثر لغاك معروف من الملايات
سولف بتلهي الحمار بنسى يسف العليقات
ليش ما بتعبو الشد بيسع اربع تنكات
وحدة صارت دزقينة والثلاثة خربانات
اخذ الحمار الكبير واخذ وحدة من البنات
بالروحة بتروحو ركوب وبالرجعة حلوة المشوات
واصحكم تتعوقو بدنا نورد الطرشات
منين جبتي مغزلك ولمين بدك تغزلي
من العيد ما شافك حدا عاليش يختي بتسالي
نفشت عا فضوتي رطلين صوف شي ما علي تتدللي
وصخروني بالغزل الله يعين المبتلي
مدت معي بيكه النطوا من الصبح نساجة الي
ودزيت دودة تشتري صفرا وخضرا مشكلي
والخرج بكرا عالفرس مبخوت فوقوا لمعتلي
وبكرا على قصاص الحلال بدي انجد جودلي
ويمكن اسوي فجتين وبساط بقمارو حلي
وسايد عليها ترتكي ان سيرتي عا ديرة هلي
ونغزل شعر معزى سوا وعبلاس خشن تدحدلي
وعالويدلك عالويدلي يام الشريش المخملي
يا يمى مابيش ميه بدي احممكم سوا
بعدها الفرش بالارض ماحدا فراشو طوا
بعدني بلت الزبل والطرش بعدو ماارتوى
جيبلي الكن الكبير واصحى تطلع بالهوى
شرقية بتلع الروح والجلب ماعاد عوى
طير جيب الجلولات قلبي من النار انكوى
ومعهن شوية قصل والبعر للوقدة دوا
يمى عيوني تحرحرن وعرق رقبتي التوى
المي الي بقاع السطل ظلن لاختك زهوى
لاحدى يكب المراق ها بيلزمني للغوى
بدي ارشرش فاع الدار من السوافي والهوا
وعقبها حاضر غداكم الزنكل بيكون استوى
ماحدا شافك يا غبصة دايرة وتتجذبي
ما دريتي يامتروكه جنتي جابت صبي
ولفاع اني سويتلو ودريحن تايحبي حبي
وشي خمستعشر محرثة الزقطة عليها بتلعبي
وتنكة تراب منخلة من المحفرة وج تذربي
لازم ذبحتيلو خروف وتعي ياجارة كبكبي
جنتك جابت توام ريتك ذبحتي ارنبي
هيرتك لكن بحت وانتي تمني واطلبي
والصبح قرفة وجنزبيل مع جوز لا زم تشربي
وبلي قديش تعذبت انشالله ما تتعذبي
من ثلث تيام تطلق ونوم اصحي تحسبي
رادت تسميه متعب انشالله ما عمرك تتعبي
ظهري متقضب يا فضة من الوجع ما عاد طاب
اي جنب بيوجعك الوجع من كل الجناب
خذيلو جم كاسة هوى واخلصي من هالعذاب
ظهري او جعني وكويتو عند حبسة بالمصاب
كنت عزابه بغنمنا مية والراعي شهاب
كنت اخض الجف مرة مصابحة وعند الغياب
والسمن كل جمعة اودي ذوبة ماطيبها الكباب
ونقورم خمس خرفان اللحم تحت سناني ذاب
وياما نطلنا كثي ولبن مشلي بلا حساب
كانت الدنيا مليحة الغنم عاشت مع ذياب
بينبجى والله عليها شوفي شعر راسي شاب
ياحسرتي عاغنمنا ضاعت ومعها الكلاب
بدنا نعايد سوا قرب العيد الكبير
وين رايح ساري سروة الدنيا بعدها بكير
الناس راحت عالصلاة اصبر شو رايح يصير
جياب سروالك وسيعة ملبس بتسسع كفكير
لاتسوي متل العام ضيعنا ملبس كثير
اصحى تقطش ولا دار من المعارف للجهير
كل شي منلمو شراكة لاطويل ولا قصير
ان ضيفونا شوكلاطة دارهم دار الامير
وان ضيفونا مصاص انهزم اقبع وطير
والي بحدو بلاهم انكان ميتهم امير
بس يتعبن جيابك منتلاقى جنبو للبير
دايما سالم وغانم وتظلك بالف خير
منين جيتك يالبنية يلي مشيك رهدنا
حاملة ومحملة وشو بمعقادك جنى
جاية من منطار تبنا قوكم يا عمنا
بمعقادي بتلاقي كلشي مانت باخن ارضنا
هندبة وقريصعنه المرار ماكثروالسنة
ترى اني معزوم عندك واللبن من عندنا
العام شبعنا عكوب سنينيرة صحة وهنا
انكان بدك كزبرة مليان غاد بسهلنا
الجحجوح عندك والضبح كل عرق وسع الروزنه
حليو مليان الجلد وحميض مي بمطخنا
واذا عابالك شلافين مصبرة غربي المطحنة
والراعي سارح بالطرش نازل عتابا وميجنا
To watch Hurga Part1 click here لمتابعت حلقات هرجة بالبغجة اضغط هنا